Македонската фудбалска репрезентација со пораз од Бугарија ги заврши настапите во Лигата на нации
- Во последното коло во Ц-сегментот од Лигата на нации, македонската фудбалска репрезентација вечерва во Скопје загуби од Бугарија со 1:0.
![Македонската фудбалска репрезентација со пораз од Бугарија ги заврши настапите во Лигата на нации](https://mia.mk/index.php/images/20221113230827_big_730x400_73.webp )
Скопје, 26 септември 2022 (МИА) – Во последното коло во Ц-сегментот од Лигата на нации, македонската фудбалска репрезентација вечерва во Скопје загуби од Бугарија со 1:0.
Речиси цел натпревар „рисовите“ го одиграа со фудбалер помалку поради исклучувањето на Тодор Тодоровски во 14. минута по еден остар старт.
Кирил Десподов во 50. минута го постигна единствениот гол на Националната арена „Тодор Проески“
Пред почетокот на натпреварот Енис Барди доби подарок дрес со бројот 50 за педесеттиот свој настап во националниот тим.
На другиот натпревар од 6. коло во четвртата група, Грузија на гости го победи Гибралтар со 2:1
Грузијците соо 16 бода на крајот го освоија првото место и изборија учество во Б-дивизијата, како и пласман во плејофот. Бугарија заврши како втора со девет бода, Македонците се на третото место со седум, последен е Гибралтар со само еден бод. зс/
![барди](/articles/images/%d0%bc%d0%b0%d0%ba%d0%b5%d0%b4%d0%be%d0%bd%d1%81%d0%ba%d0%b0%d1%82%d0%/J1mnzLqOv/placeholder.webp?use_watermark=0)