Македонската репрезентација во риболов на пливка учествува на Светското првенство во Хрватска
- Македонската репрезентација во риболов на пливка учествува на Светското првенство што се одржува во Осиек, Хрватска.
![Македонската репрезентација во риболов на пливка учествува на Светското првенство во Хрватска](https://mia.mk/index.php/images/20221113213734_big_730x400_59.webp )
Крива Паланка, 6 септември 2022 (МИА) - Македонската репрезентација во риболов на пливка учествува на Светското првенство што се одржува во Осиек, Хрватска. Нашата селекција е дел од триесетина репрезентации, учесници на 68. Светско првенство што почна вчера и ќе трае до 11 септември.
![риболов натпревар](/articles/images/%d0%bc%d0%b0%d0%ba%d0%b5%d0%b4%d0%be%d0%bd%d1%81%d0%ba%d0%b0%d1%82%d0%/c405SEuXU/placeholder.webp?use_watermark=0)
Селекцијата ја предводат двајца претставници од кривопаланечкиот Спортско-риболовен клуб „Мрена", Емил Додевски, селектор, и Горан Тонев, водич и делегат.
-Првенството се одржува на Стара Драва кај Биље и Топољски Дунавац во Барања, а учествуваат околу 500 натпреварувачи од 33 земји во светот. Натпреварот трае седум дена, подготвителните официјални тренинзи ги реализираме до петок на различни реони и зони, со опробување различни јадици, храни, како подготовка, во петок следува главниот тренинг, додека во сабота и недела, 10 и 11 септември, е натпреварот за медали, информира селекторот Емил Додевски.
Организатор на светското првенство во пливка 2022 година е Здружението на спортски друштва на Осиек - Барања, под покровителство на Осиечко-барањската жупанија и општина Биље. ид/хс/