ЛШ: Интер без Аугусто и Арнаутовиќ на реваншот во Мадрид
- Интер на реваншот во Мадрид в среда ќе брани предност од 1-0 која на дуелот во Милано на италијанскиот тим му ја донесе Арнаутовиќ.
![ЛШ: Интер без Аугусто и Арнаутовиќ на реваншот во Мадрид](https://mia.mk/index.php/images/20240311200209_big_730x400_35.webp )
Милано, 11 март 2024 (МИА) – Лидерот во Серија А, Интер, објави денеска дека на реванш осминафиналниот натпревар во Лигата на шампиони против мадридски Атлетико ќе мора да настапи без својот бразилски дефанзивец Карлос Аугусто и австрискиот напаѓач Марко Арнаутовиќ, поради повреди.
Обајцата се здобија со мускулни повреди и Аугусто би можел да се врати во тимот за првиот следен првенствен натпревар на домашен терен, додека австрискиот репрезентативец, најверојатно, го очекува едномесечна пауза.
Интер на реваншот во Мадрид в среда ќе брани предност од 1-0 која на дуелот во Милано на италијанскиот тим му ја донесе Арнаутовиќ.
Милански Интер е во серија од 13. победи во сите натпреварувања и е лидер во италијанското првенство со 16 бодови повеќе од градскиот ривал Милан на второто место. ег ФОТО: Фејсбук