Лула да Силва предложи јужноамериканските лидери да создадат нова валута конкурент на американскиот долар
![Лула да Силва предложи јужноамериканските лидери да создадат нова валута конкурент на американскиот долар](https://mia.mk/index.php/images/20230530211330_big_730x400_85.webp )
Бразилија, 30 мај 2023 (МИА) - Бразилскиот претседател Луис Инасио Лула да Силва им предложи на јужноамериканските лидери собрани на самитот во Бразилија да создадат нова валута - конкурент на американскиот долар.
„Денеска ги преземаме нашите први чекори за да го продолжиме дијалогот меѓу нас“, рече тој на отворањето на состанокот пред неговите јужноамерикански колеги, од кои отсуствуваше само претседателот на Перу.
Бразилскиот претседател повика на зајакнување на економската, културната и социјалната интеграција на земјите од Јужна Америка. Тој, исто така, предложи создавање регионален енергетски пазар, како и преземање координирана акција за справување со климатските промени.
Шефот на бразилската држава изрази жалење што во последните години интеграцијата на земјите од Јужна Америка беше прекината од конзервативните влади и дека идеолошките поделби ги поткопаа претходните обиди за соработка.
Денешниот форум во Бразил беше првиот самит на јужноамерикански лидери по повеќе од 10 години. зш/