Лондон предложи повлекување на спорниот нацрт-закон ако преговара со ЕУ
- Британската Влада официјално предложи да се повлечат или да не се активираат ставовите од нацрт-законот за внатрешен пазар, кои се во спротивност со одредбите на договорот за напуштање на ЕУ,
![Лондон предложи повлекување на спорниот нацрт-закон ако преговара со ЕУ](https://mia.mk/index.php/images/20221105124037_big_730x400_25.webp )
Лондон, 7 декември 2020 (МИА) - Британската Влада официјално предложи да се повлечат или да не се активираат ставовите од нацрт-законот за внатрешен пазар, кои се во спротивност со одредбите на договорот за напуштање на ЕУ, доколку трговски договор се договори со Брисел оваа недела.
Во соопштението од Даунинг стрит се вели дека преговорите за трговскиот договор продолжуваат и се очекуваат конечни одлуки во наредните денови.
Доколку се договорат решенијата за кои се разговара, Владата на Велика Британија е подготвена да го отстрани став 44 од нацрт-законот за внатрешен пазар на Велика Британија, во врска со извозните декларации. Владата на Велика Британија е исто така подготвена да ги деактивира ставовите 45 и 47, во врска со државната помош што може да се користи само кога е компатибилна со правата и обврските на Велика Британија според меѓународното право, забележува Лондон.
Во соопштението, исто така, се вели дека Владата може да се откаже од друг дел од својот план, што го крши договорот за Брегзит за тарифи во даночниот предлог, за кој ќе се расправа в среда.
Првичната реакција на ЕУ на лондонската комуникација беше дека тоа може да го наведе Европскиот парламент да го повлече својот приговор за ратификување на договорот, но главните нерешени прашања остануваат. паг/