Литванија: Санкциите за транспорт на стоки во Калининград
- Литванските власти најавија дека ќе стапи на сила забраната за транспорт на стоки опфатени со европските санкции до руската енклава Калининград преку нивна територија. Гувернерот на Калинин
![Литванија: Санкциите за транспорт на стоки во Калининград](https://mia.mk/index.php/images/20221113161434_big_730x400_7.webp )
Вилнус, 18 јуни 2022 (МИА) - Литванските власти најавија дека ќе стапи на сила забраната за транспорт на стоки опфатени со европските санкции до руската енклава Калининград преку нивна територија. Гувернерот на Калининградската област Антон Алиханов изјави дека забраната ќе опфати околу 50 отсто од стоките што ги увезува Калининград.
„Сметаме дека ова е најсериозното прекршување... на правото на слободен транзит до и од регионот Калининград“, рече Алиханов во видео објава на интернет. Тој најави дека властите на Калининград ќе работат на укинување на суспензијата.
Санкциите на ЕУ првенствено вклучуваат јаглен, метали, градежни материјали и напредна технологија.
Сегашното стапување во сила беше потврдено од филијалата на литванските државни железници во писмо до клиентите по „објаснувањето“ на Европската комисија во врска со механизмот за санкции.
Портпаролот на огранокот ја потврди содржината на писмото, но одби да коментира.
Министерството за надворешни работи не се согласи на барање за коментар. зш/