Линдзи Вон: Без Федерер, спортот никогаш нема да биде ист, за мене тој е најдобриот играч на сите времиња
- Олимписката шампионка во алпско скијање, Линдзи Вон искажа голема почит кон швајцарскиот тенисер Роџер Федерер.
![Линдзи Вон: Без Федерер, спортот никогаш нема да биде ист, за мене тој е најдобриот играч на сите времиња](https://mia.mk/index.php/images/20221105130019_big_730x400_55.webp )
Њујорк, 12 декември 2020 (МИА) - Олимписката шампионка во алпско скијање, Линдзи Вон искажа голема почит кон швајцарскиот тенисер Роџер Федерер.
- Роџер сака да остане во спортот што е можно подолго. Јас исто така се однесував кон скијањето, но во одреден момент телото рече: „Не, ова е премногу“. Не знам во која фаза е сега тој, но сигурен сум дека тука не е крајот. Федерер е многу посветен на тенисот, поради што останува конкурентен толку долго. Поради него, почнав да гледам тенис, и без него спортот никогаш нема да биде ист, истакна Вон.
Американката додаде дека многу го почитува и Рафаел Надал.
- Неговите достигнувања на земја се неверојатни, но јас бев и сум фан на Федерер. За мене, Роџер е најдобриот играч на сите времиња. Зачудувачка благодат, совршена рамнотежа - ретко кој може да го повтори ова, потенцира Вон. зс/