Лидерите на ЕУ бараат поголема солидарност со Западен Балкан за вакцините
- Лидерите на 27-те земји-членки на ЕУ вечерва на видео состанок побараа „поголема солидарност со трети земји кога станува збор за поделба на вакцини“, вклучувајќи ги и земјите од Западен Балка
![Лидерите на ЕУ бараат поголема солидарност со Западен Балкан за вакцините](https://mia.mk/index.php/images/20221105190122_big_730x400_95.webp )
Брисел, 21 јануари 2021 (МИА) – Лидерите на 27-те земји-членки на ЕУ вечерва на видео состанок побараа „поголема солидарност со трети земји кога станува збор за поделба на вакцини“, вклучувајќи ги и земјите од Западен Балкан, изјавија за Танјуг дипломатски извори во Брисел.
Видеоконференцијата на лидерите на ЕУ почна во 18 часот и сè уште трае.
Покрај поддршката на Западен Балкан и соседите при набавка на вакцини, лидерите на земјите-членки разговараат и за испорака на вакцини во рамките на ЕУ, кампањите за вакцинација кои почнаа низ цела Европа, како и за сертификати за вакцинација.
Извори од состанокот велат дека лидерите изјавиле оти сертификатите за вакцинација во овој момент „можат да бидат медицински, но не и патни документи“. јт/