Лидерите на Г-20 фрлаа парички во фонтаната Ди Треви во Рим
- Лидерите на најголемите светски економии денеска во Рим беа во обиколка на знаменитостите на градот, вклучувајќи ја и Фонтаната „Ди Треви“, пред да ја договорат својата конечна изјава за клим
![Лидерите на Г-20 фрлаа парички во фонтаната Ди Треви во Рим](https://mia.mk/index.php/images/20221108213310_big_730x400_61.webp )
Рим, 31 октомври 2021 (МИА) - Лидерите на најголемите светски економии денеска во Рим беа во обиколка на знаменитостите на градот, вклучувајќи ја и Фонтаната „Ди Треви“, пред да ја договорат својата конечна изјава за климатските промени и да го завршат дводневниот собир.
Секој од лидерите од Групата 20 најразвиени индустриски земји во светот и земјите во развој фрли паричка во фонтаната, прославена во многу филмови, меѓу кои најпознат е „Ла Долче Вита“ на Федерико Фелини.
Се верува дека кој ќе фрли паричка во фонтаната ќе се врати во Рим.
Во денешното фрлање паричка не учествуваа сите лидери на Г-20, а меѓу забележително отсутните беше и американскиот претседател Џо Бајден.
Парите од фонтаната редовно се вадат и се донираат во добротворни цели. паг/
![лидери г20 фонтана ди треви](/articles/images/%d0%bb%d0%b8%d0%b4%d0%b5%d1%80%d0%b8%d1%82%d0%b5-%d0%bd%d0%b0-%d0%b3-2/nZYvJmoAH/placeholder.webp?use_watermark=0)
![лидери г20 фонтана ди треви](/articles/images/%d0%bb%d0%b8%d0%b4%d0%b5%d1%80%d0%b8%d1%82%d0%b5-%d0%bd%d0%b0-%d0%b3-2/H3sC02Z8G/placeholder.webp?use_watermark=0)