Лига Европа: Одложен натпреварот Арсенал – ПСВ
- Натпреварот меѓу фудбалерите на Арсенал и ПСВ кој требаше да се одигра в четврток во рамки на Лига Европа е одложен, соопшти денеска УЕФА.
![Лига Европа: Одложен натпреварот Арсенал – ПСВ](https://mia.mk/index.php/images/20221113220634_big_730x400_81.webp )
Лондон, 12 септември 2022 (МИА) – Натпреварот меѓу фудбалерите на Арсенал и ПСВ кој требаше да се одигра в четврток во рамки на Лига Европа е одложен, соопшти денеска УЕФА.
Дуелот, како што се прецизира во соопштението, е одложен поради „сериозни ограничувања на полициските ресурси и организациски прашања“ во врска со тековните настани по смртта на британската кралица Елизабета Втора.
УЕФА наведе дека новиот термин за одигрување на натпреварот меѓу Арсенал и ПСВ ќе биде дополнително соопштен.
Претходно УЕФА одлучи да го помести за в среда натпреварот од Лигата на шампиони (ЛШ) меѓу Глазгов Ренџерс и Наполи, што првично треба да се игра утре.
Британскиот сервис Би-Би-Си објави вечерва дека нема да има измени во термините за одигрување на натпреварите на англиските екипи во ЛШ. ег/јт/