Бејрут, 29 март 2026 (МИА) – Либанскиот министер за надворешни работи Јусеф Раги изјави дека Иран ја поткопува безбедноста и суверенитетот на арапските држави.

Раги се обрати на состанок на Советот на Арапската лига, посветен на, како што наведе, „прекршувањата што Иран ги врши врз суверенитетот и територијалниот интегритет на арапските земји“.

„Ја повторив мојата осуда на иранските прекршувања кои ја поткопуваат безбедноста и суверенитетот на братските арапски држави, нагласувајќи дека овие дејства ги надминуваат сите прифатливи граници и заслужуваат недвосмислена осуда“, напиша Раги на социјалната мрежа Икс. ссм/