Лондон, 2 април 2023 (МИА) - Брендан Роџерс повеќе нема да ја извршува тренерската функција во Лестер.

Клубот од Лестершир денес објави раскин на договорот со 50-годишниот тренер од Северна Ирска по меѓусебен договор на страните.

Одлуката доаѓа откако Лестер загуби шест пати и еднаш ремизираше на последните седум натпревари.

Тимот со 25 бодови се наоѓа на 18. место на табелата во Премиер лигата и е во зоната за испаѓање.

Роџерс беше тренер на „лисиците“ од 2019 година. Во 2021 година, тој го предводеше тимот до трофеите во ФА Купот и Суперкупот. зс/

Фото: ЕПА