Легендарниот алжирски фудбалер Маџер се соочува со затвор поради финансиски измами
- Стрелецот на еден од најубавите голови во историјата на Купот/Лигата на шампиони, Алжирецот Рабах Маџер (63) се соочува со затворска кана од 18 месеци поради коруптивни активности.
![Легендарниот алжирски фудбалер Маџер се соочува со затвор поради финансиски измами](https://mia.mk/index.php/images/20221113151022_big_730x400_57.webp )
Алжир, 3 јуни 2022 (МИА) – Стрелецот на еден од најубавите голови во историјата на Купот/Лигата на шампиони, Алжирецот Рабах Маџер (63) се соочува со затворска кана од 18 месеци поради коруптивни активности.
Поранешниот напаѓач на алжирската фудбалска репрезентација, на Порто и Валенсија, се товари за финансиски измами поврзани со пропаднатите дневни весници во негова сопственост Ал Балах и Ал Балах Ериади.
Обвинителството побара Маџер да биде осуден на казна затвор во траење од една и пол година.
Пресудата ќе биде донесена на 9 јуни.
Маџер е еден од најпознатите алжирски фудбалери на сите времиња, а врвот на својата кариера го достигна во 1987 година кога во финалето од Купот на европски шампиони против Баерн Минхен со пета го постигна победоносниот гол и му донесе на Порто европска титула. ег/паг/