Леброн Џејмс: Не се гледам себеси на ОИ во Лос Анџелес
![Леброн Џејмс: Не се гледам себеси на ОИ во Лос Анџелес](https://mia.mk/index.php/images/20240811122817_big_730x400_60.webp )
Париз, 11 август 2024 (МИА) – Американската кошаркарска суперѕвезда Леброн Џејмс најави дека нема да настапи на следните Олимписки игри во Лос Анџелес.
„Не, не се гледам себеси како играм во Лос Анџелес“, одговори 39-годишниот Џејмс на новинарско прашање дали размислува да игра на следните Олимписки игри.
САД синоќа ја совладаа Франција со 98-87 во финалето на кошаркарскиот турнир на Олимписките игри во Париз, а Леброн Џејмс го заврши натпреварот со14 поени, шест скокови, десет асистенции и пет украдени топки.
Тоа е негов трет олимписки златен медал, прв од 2012 година.
Џејмс беше прогласен за МВП на олимпискиот турнир и беше избран во најдобрата петорка заедно со репрезентативниот колега Стивен Кари и Германецот Денис Шредер, Французинот Виктор Вембанјама и Србинот Никола Јокиќ. ег ФОТО: Фејсбук