Леброн: Пласманот во финалето нема да значи ако не стигнеме до трофејот
Орландо, 27 септември 2020 (МИА) – Најдобриот кошаркар на Лос Анџелес лејкерс, Леброн Џејмс изјави дека стигнувањето до финалето во НБА нема да значи ништо доколку тимот не ја освои шампионската титула.
- Пласманот во последната серија нема да значи ништо, доколку не го освоиме трофејот. Нашата цел е јасна. Морам да го завршам случајот. Затоа дојдов во Лејкерс. Ги слушнав сите озборувања за мене и за тоа зошто решив да се преселам во Лејкерс. Но, тоа не ме спречи на патот кон целта, изјави Леброн за „ЕSPN.com“.
