Милано, 7 јуни 2025 (МИА) – Фудбалерот од нападот на Милан, Рафаел Леао, сака да го напушти италијанскиот клуб, објави новинарот Флоријан Плетенберг на социјалната мрежа Икс.

Раководството на „Росонерите“ е подготвено да разгледа понуди за играчот.

Според Плетенберг, Милан сака да добие најмалку 70 милиони евра за 25-годишниот Португалец.

Леао веќе го информирал клубот од Милано за својата намера да замине. Во исто време, Баерн е заинтересиран за играчот.

Во сезоната 2024/25, Леао постигна 12 гола и имаше 13 асистенции на 50 натпревари за Милан во сите натпреварувања. Неговиот договор со клубот истекува на 30 јуни 2028 година. 

Порталот „Transfermarkt“ ја проценува трансферната вредност на играчот на 75 милиони евра. зс/

Фото: ЕПА