Куомо: Масовните собири може да ја загрозат борбата против коронавирусот
- Гувернерот на Њујорк, Ендрју Куомо денеска изрази загриженост дека масовните протести во Њујорк поради смртта на Џорџ Флојд може да ја загрозат долгата и тешка борба за сузбивање на пандемија
![Куомо: Масовните собири може да ја загрозат борбата против коронавирусот](https://mia.mk/index.php/images/20221103235910_big_730x400_68.webp )
Њујорк, 1 јуни 2020 (МИА) - Гувернерот на Њујорк, Ендрју Куомо денеска изрази загриженост дека масовните протести во Њујорк поради смртта на Џорџ Флојд може да ја загрозат долгата и тешка борба за сузбивање на пандемијата на коронавирусот.
- Вклучете го телевизорот и видете ги овие масовни собири кои можат потенцијално да заразат стотици и стотици луѓе по сè што направивме, рече Куомо на прес-конференција.
Тој предупреди дека луѓето треба да се запрашаат што прават.
Гувернерот на Њујорк се согласува со демонстрантите кои се борат против расизмот и социјалната нееднаквост, но тој е фрустриран поради можното компромитирање на социјалните и економските жртви направени во периодот од повеќе од два месеци.
Иако многу демонстранти се млади, тие можат да го пренесат вирусот на нивните мајки, татковци, баби и дедовци, рече Куомо. јт/