Кризен штаб на Тетово со одлука за дополнителни мерки за заштита од пожари
- Во рамки на четвртиот состанок на тетовскиот општински кризен штаб одлучено е да се преземат дополнителни мерки за заштита од пожари, информираат од Општина Тетово. Оваа мерка ќе се спроведув
![Кризен штаб на Тетово со одлука за дополнителни мерки за заштита од пожари](https://mia.mk/index.php/images/20221113161152_big_730x400_46.webp )
Тетово, 17 јуни 2022 (МИА) - Во рамки на четвртиот состанок на тетовскиот општински кризен штаб одлучено е да се преземат дополнителни мерки за заштита од пожари, информираат од Општина Тетово. Оваа мерка ќе се спроведува по барање на граѓанскиот сектор.
-Одлучено е да се регистрираат и контролираат сите постоечки хидранти во градот Тетово, како и во сите идни инфраструктурни проекти да се обезбеди нивно поставување. Да се испрати барање до надлежните органи да се изврши постојана инспекција на сите јавни и приватни претпријатија, како и на колективните објекти (колективно домување), кои имаат обврска со законските одредби за безбедност и здравје при работа, информираа од Општина Тетово.
Членови на општинска комисија на состанокот информирале за идентификацијата на штетите предизвикани од непогодите што пред неколку денови го погодија градот Тетово.
-Од општинската комисија известија дека сите барања упатени до општина Тетово се обработени и идентификувани на терен, а испратени се и официјални дописи до надлежните државни органи за проценка и надоместување на штетите од поплавите. Јавно комунално претпријатие „Тетово“ заедно со Територијалната противпожарна единица Тетово соопштија дека се преземени сите неопходни активности за расчистување и дезинфекција на патиштата, согласно акцискиот план. Исто така ЈКП, во соработка со ТППЕ трајно ги исчистија сите критични точки од канализацијата, а изготвен е и план за решавање на проблеми во канализационата мрежа на четири критични точки (на улица 171, кај касарната и два пункта во влезот на градот), информираа од Општина Тетово.
На состанокот е констатирано дека барањата на Кризниот штаб во општина Тетово се испратени до Владата и до Бирото за судски вештачење , но од таму се уште нема преземено конкретни чекори.ас/вј/