Кремљ соопшти дека во Краматорск гаѓале само воени цели
- Русија не е насочена кон цивилна инфраструктура, таа ги погодува инсталациите поврзани на еден или друг начин со воената инфраструктура, изјави портпаролот на руското претседателство Дмитриј Песков.
![Кремљ соопшти дека во Краматорск гаѓале само воени цели](https://mia.mk/index.php/images/20230628164628_big_730x400_35.webp )
Москва, 28 јуни 2023 (МИА) - Кремљ објави дека во Украина се гаѓале само воени цели, по обвинувањата дека руски напад уништил ресторан во Краматорск на истокот од земјата, при што десетици луѓе загинале или се ранети.
-Русија не е насочена кон цивилна инфраструктура, таа ги погодува инсталациите поврзани на еден или друг начин со воената инфраструктура, изјави портпаролот на руското претседателство Дмитриј Песков.
Претходно, украинската служба за итни случаи соопшти дека најмалку десет лица загинаа, а 61 се ранети во рускиот напад синоќа кога беше погоден ресторан во Краматорск на истокот на Украина.
Официјални лица соопштија дека во ракетниот напад биле оштетени неколку куќи, продавници, автомобили, неколку згради, вклучително и поштата. мс/сд/
фото: скриншот