Крводарителска акција за роденденот на Тоше утре во Дом на АРМ
- Во холот на Дом на АРМ утре од 9 до 17 часот по 19-ти пат ќе се реализира крводарителска акција на денот на раѓањето на Тоше Проески (1981-2007).
![Крводарителска акција за роденденот на Тоше утре во Дом на АРМ](https://mia.mk/index.php/images/20230124133124_big_730x400_66.webp )
Скопје, 24 јануари 2023 (МИА) – Во холот на Дом на АРМ утре од 9 до 17 часот по 19-ти пат ќе се реализира крводарителска акција на денот на раѓањето на Тоше Проески (1981-2007).
– Црвен крст на град Скопје и Црвен крст на Република Северна Македонија – Општинска организација Центар во соработка со Институтот за трансфузиона медицина ќе ја организираат традиционалната крводарителска акција во спомен на роденденот на големиот хуманист и крводарител Тоше Проески кој, за жал, прерано го загубивме, соопшти Црвен крст на град Скопје.
Организаторот додава дека оваа крводарителска акција стана веќе препознатлива во Скопје и е посетена од голем број граѓани. На овие акции реализирани во чест на Тоше досега се собрани повеќе од 5300 единици крв. хс/са/