Крајбрежна стража на САД: Пронајдените остатоци одговараат на катастрофална имплозија на подморницата „Титан“
- Големината на полето со остатоци одговара на катастрофална имплозија на подморница, рече Маугер по објавувањето на веста за смртта на екипажот.
![Крајбрежна стража на САД: Пронајдените остатоци одговараат на катастрофална имплозија на подморницата „Титан“](https://mia.mk/index.php/images/20230623070344_big_730x400_48.webp )
Бостон, 23 јуни 2023 (МИА) - Отпадоците пронајдени недалеку од остатоците на Титаник се совпаѓаат со „катастрофалната имплозија на подморницата Титан“, што исчезна во неделата, час и 45 минути по нуркањето,соопшти синоќа американската крајбрежна стража.
Контраадмиралот Џон Маугер од американската крајбрежна стража на прес-конференција во Бостон изјави дека најверојатно имало експлозија во подморницата.
-Големината на полето со остатоци одговара на катастрофална имплозија на подморница, рече Маугер по објавувањето на веста за смртта на екипажот.
Екипажот на подморницата Титан е изгубен, а нејзината рамка за спуштање до дното и задниот капак се пронајдени денеска меѓу остатоците недалеку од потонатиот брод Титаник, соопшти компанијата Оушн Гејт (Оушн Гејт).
„Сега веруваме дека нашиот извршен директор Стоктон Раш, Шахзаде Давуд и неговиот син Сулејман Давуд, Хамиш Хардинг и Пол-Анри Наргеоле, за жал се исчезнати“, наведе приватната компанија во соопштение. сд/
фото: архива