Кралицата Елизабета Втора ги откажа обврските поради симптомите на Ковид
- Британската кралица Елизабета Втора (95) ќе го пропушти планираниот онлајн ангажман, бидејќи се уште има благи симптоми слични на настинка откако и беше потврдено присуство на коронавирусот,
![Кралицата Елизабета Втора ги откажа обврските поради симптомите на Ковид](https://mia.mk/index.php/images/20221112131049_big_730x400_59.webp )
Лондон, 22 февруари 2022 (МИА) - Британската кралица Елизабета Втора (95) ќе го пропушти планираниот онлајн ангажман, бидејќи се уште има благи симптоми слични на настинка откако и беше потврдено присуство на коронавирусот, соопшти денеска портпаролот на Бакингемската палата.
Бакингемската палата во неделата потврди дека кралицата има поблаги симптоми на коронавирус, слични на обичната настинка и дека ќе продолжи да ги извршува „полесните обврски“.
Таа вчера испрати порака со сочувство до Бразил и рече дека е длабоко ожалостена поради неодамнешните големи поплави кои ја погодија таа држава. паг/