Битола, 29 септември 2021 (МИА) - Кандидатот за градоначалник на Општина Битола од СДСМ Христо Кондовски најави воведување дигитален онлајн систем за директен контакт на градоначалникот и советниците со граѓаните. Според Кондовски, новината ќе овозможи директна, редовна и двострана комуникација и услови за брза реакција при решавање на проблемите во општината. - Ќе воведеме дигитален онлајн систем за директен контакт на градоначалникот и советниците со граѓаните. Тоа ќе значи постојана, брза, ефикасна размена на информации за услуги од надлежност на локалната самоуправа, соработка со НВО секторот и учество на нивен претставник како соработник на кабинетот на градоначалникот. Иницијативите од граѓаните ќе бидат прифатени и процесуирани во јасен систем, истакна Кондовски, а општината во рок од 10 дена ќе има обврска да одговори на граѓанските иницијативи. Кандидатот на СДСМ за градоначалник Христо Кондовски во текот на денот ќе оствари посети и средби со целни групи во Битола. мт/цр