Кочани, 11 ноември 2025 (МИА) - По одржаниот состанок на градоначалникот на Општина Кочани Владко Грозданов во КЈП „Водовод“, комуналните служби ја започнаа работата на терен.

Со постојните ресурси се отстранети отпад и мали депонии на повеќе локации во централното градско подрачје на Кочани. Активностите ќе продолжат и претстојниов период, со цел актуелната катастрофална состојба со јавната чистота да се доведе до оптимално ниво за урбано живеење.

Според планот на административните комунални служби од Општина Кочани, наскоро ќе се расчитуваат и мали депонии во населените места. ис/вј/

Фото: Општина Кочани