Гелзенкирхен, 11 декември 2024 (МИА) - Тренерот на Баерн, Винсент Компани ги кажа своите импресии за синоќешната победа над Шахтјор (5:1) во натпреварот од 6. коло во Лигата на шампионите.

- Почетокот не беше лесен. Начинот на кој го одигравме натпреварот, мислам дека беше јасно дека бевме посилни. Рано примивме гол, понекогаш се случува тоа. Но останавме смирени. И мислам дека најважно е што конечно влеговме во ритам, изјави Компани.

Не се жалевме поради многуте повреди. Факт е дека постојат, но такви моменти се случуваат во текот на сезоната. Веројатно, некои повредени лица имаат и историја на рецидиви. Понекогаш, се разбира, можете да го намалите ризикот од повреда за 15 - 20 проценти, но тоа не може целосно да се елиминира. Бевме свесни што се случи, останавме смирени, имавме доверба во тимот. Верувам дека секогаш се стремиме да ги искористиме нашите сили, но главни во тоа се самите играчи, кои направија сè сами, додаде тренерот на Баварците.

Баерн се наоѓа на 8. место во поредокот со 12 бода. Шахтјор е на 27. место со 4 бода. зс/

Фото: ЕПА