Клиника за гастроентерохепатологија доби нов ултразвучен апарат
- Универзитетската Клиника за гастроентерохепатологија денеска го презентираше новиот ултразвучен апарат кој ќе биде дел од Центарот за болести на црн дроб и примарно ќе се користи во дијагност
![Клиника за гастроентерохепатологија доби нов ултразвучен апарат](https://mia.mk/index.php/images/20221113161041_big_730x400_8.webp )
Скопје, 17 јуни 2022 (МИА) - Универзитетската Клиника за гастроентерохепатологија денеска го презентираше новиот ултразвучен апарат кој ќе биде дел од Центарот за болести на црн дроб и примарно ќе се користи во дијагностика на карцином, а потоа и за други ултразвучни иследувања за потребите на пациентите на оваа клиниката.
Д-р Калина Гривчева Старделова, упатувајќи благодарност до донаторот, фондацијата „Никола Јанчев“, на настанот изјави дека овој апарат е одличен за одредување на структурата на црниот дроб и можност рано да се забележат сите оние сомнителни промени во градбата на црниот дроб кои потенцијално би ги доиспитале и ако се покажат потребни за интервенција би интервенирале понатака.
- Превенцијата би била со следење на потенцијални пациенти кои можно би добиле карцином на црн дроб, лекување на вирусните хепатити Б и Ц, рана детекција е нешто што е апсолутно секаде идеја како би се третирало, рече таа.
Дополни дека овој апарат е од новата генерација, и, како што рече „нас и на нашите пациенти неизмерно многу ни значи“.
Јанинка Чупаркоска од Фондацијата „Никола Јанчев“ истакна дека при едно вакво време на глобално здравство и економска криза, сепак успеале да дадат еден хуман акт со доделувањето на ултразвучниот ехо-апарат кој што е во вредност од два милиони и триста илјади денари.
- Нашата донација има една единствена цел а тоа е да им помага на луѓето преку хуманитарни активности, рече таа. ар/лв/
![1655468228180](/articles/images/%d0%ba%d0%bb%d0%b8%d0%bd%d0%b8%d0%ba%d0%b0-%d0%b7%d0%b0-%d0%b3%d0%b0%d/aG8eqG9If/placeholder.webp?use_watermark=0)
![1655468228197](/articles/images/%d0%ba%d0%bb%d0%b8%d0%bd%d0%b8%d0%ba%d0%b0-%d0%b7%d0%b0-%d0%b3%d0%b0%d/1hXRpE1IQ/placeholder.webp?use_watermark=0)