Китански: Во тек изградба на патишта во селските средини
- Почна изградбата на крак од улица број 1 во село Чифлик, Општина Пехчево. Со реализација на овој проект, како што истакна градоначалникот на Пехчево Александар Китански, значително ќе се подобри пристапноста на жителите до своите домови.
![Китански: Во тек изградба на патишта во селските средини](https://mia.mk/index.php/images/20240329155837_big_730x400_48.webp )
Пехчево, 29 март 2024 (МИА) - Почна изградбата на крак од улица број 1 во село Чифлик, Општина Пехчево. Со реализација на овој проект, како што истакна градоначалникот на Пехчево Александар Китански, значително ќе се подобри пристапноста на жителите до своите домови.
- Во тек е изградба на локални патишта во селските средини, конкретно во село Чифлик. Изградбата на крак од оваа улица, исто така така брз и безбеден транспорт на материјални ресурси, подобрување на квалитетот на живот и поттикнување на економските активности во селото, истакна Китански.
За реализација на овие активности, како што додаде, се обезбедени 1,3 милиони денари.
-Улицата број 1 со крак 1 е во должина од 369 метри, односно улицата број 1 е во должина од 231 метри, а должината на кракот 1 изнесува 138 метри. Финансиските средства за реализација на овој проект се обезбедени дел од страна на Министерството за локална самоуправа – Биро за регионален развој и дел од страна на Буџетот на Општина Пехчево, додаде Китански.
Очекува работите да завршат до крајот на март. вс/мд/