Кисинџер: Ако САД и Кина не се договорат следи катастрофа
- Поранешниот американски државен секретарт Хенри Кисинџер денеска предупреди дека доколку САД и Кина не се договорат за нов глобален поредок, кој ќе гарантира стабилност, светот може да се соо
![Кисинџер: Ако САД и Кина не се договорат следи катастрофа](https://mia.mk/index.php/images/20221106144218_big_730x400_46.webp )
Вашингтон, 26 март 2021 (МИА) - Поранешниот американски државен секретарт Хенри Кисинџер денеска предупреди дека доколку САД и Кина не се договорат за нов глобален поредок, кој ќе гарантира стабилност, светот може да се соочи со опасен период каков што предходеше на Првата светска војна.
- Дефинитивно е многу поопасно сега отколку тогаш, наведе Кисинџер додавајќи оти високотехнолошкото оружје од двете страни може да доведе до судири од незамисливи размери.
Тој истакна дека клучно прашање е дали САД и нивните западни сојузници можат да постигнат согласност со Кина за нов светски поредок.
Кисинџер беше државен секретар од 1969 до 1977 година односно за време на мандатот на Ричард Никсон и на Џералд Форд.
Тој во 1973 година заедно со Ле Дук То ја доби Нобеловата награда за мир за потпишување на мировниот договор с „Завршување на војната и враќање на мирот во Виетнам“ што беше потпишан во Париз во јануари истата година. ми/