Касиљас: По срцевиот удар се плашев да одам и да спијам
- Поранешниот голман на Реал Мадрид и шпански репрезентативец, Икер Касиљас за шпанските медиуми сподели како му влијаел срцевиот удар. Тоа се случи на 1 мај 2019 година, кога тој беше на камп
![Касиљас: По срцевиот удар се плашев да одам и да спијам](https://mia.mk/index.php/images/20221103024255_big_730x400_33.webp )
Порто, 19 април 2020 (МИА) - Поранешниот голман на Реал Мадрид и шпански репрезентативец, Икер Касиљас за шпанските медиуми сподели како му влијаел срцевиот удар. Тоа се случи на 1 мај 2019 година, кога тој беше на камп со Порто.
- После тоа, сè се смени, особено во мојата глава. Почнав повеќе да ги ценам поединечните моменти. Во принцип, ние не го цениме тоа што го имаме, не веруваме дека можеме да направиме многу луѓе среќни, а сега работите се променија. Враќање на терен? Мора да бидеме реални. Најважно е здравјето. После еден месец срцев удар, се плашев да одам, да спијам, да направам дури и минимален физичка напор. Беше нереално. Но, сега се чувствувам добро. Земам многу лекови. кои ми помагаат. Само лекарите можат да ми кажат што треба да направам и ќе го сторам тоа, додаде тој.