Касиљас нема да учествува во трката за функцијата претседател на Шпанската фудбалска федерација
- Поранешниот голман на Реал Мадрид и шпанската фудбалска репрезентација, Икер Касиљас соопшти дека нема да учествува на изборите за претседател на тамошната фудбалска федерација.
![Касиљас нема да учествува во трката за функцијата претседател на Шпанската фудбалска федерација](https://mia.mk/index.php/images/20221104010215_big_730x400_28.webp )
Мадрид, 15 јуни 2020 (МИА) – Поранешниот голман на Реал Мадрид и шпанската фудбалска репрезентација, Икер Касиљас соопшти дека нема да учествува на изборите за претседател на тамошната фудбалска федерација.
- Главната причина што ја донесов оваа одлука е посебната социјална, економска и епидемиолошка состојба што се разви во Шпанија. Затоа, изборите ќе бидат во сенка на ситуацијата во земјата. Ова не значи дека засекогаш ја затворам оваа врата. Сакам изборите да бидат фер и отворени, што ќе биде од полза за шпанскиот фудбал, но во оваа ситуација не би сметал на тоа, изјави Касиљас.
Претходно беше објавено дека 39-годишниот голман има намера да му се спротивстави на досегашниот шеф на шпанскиот фудбалски сојуз Луис Рубиалес.
Претседателските избори на шпанската фудбалска федерација ќе се одржат оваа година. зс/