Капут од кожа што му припаѓал на Елвис Присли продаден за речиси 150.000 евра
- Купувачот е колекционер од САД.
![Капут од кожа што му припаѓал на Елвис Присли продаден за речиси 150.000 евра](https://mia.mk/index.php/images/20230808092954_big_730x400_19.webp )
Лондон, 8 август 2023 (МИА) - На аукција во Велика Британија е продаден капут којшто му припаѓал на рокенрол-легендата Елвис Присли. Достигната цена за облеката е 128.000 британски фунти (148.000 евра).
Палтото од кожа и крзно од визон, коешто Елвис го носел последните години од животот, е продадено на наддавање во аукциската куќа „Хенри Олдриџ“ (Henry Aldridge) во Вилтшир во јужна Англија. Купувачот е колекционер од САД, објави „Би-би-си“.
Аукционерот Хенри Олдриџ претходно изјави дека, според него, палтото ќе достигне цена од околу 17.000 евра. си/
Фото: „Хенри Олдриџ“