Торонто, 13 декември 2024 (МИА) - Харизматичните луѓе се однесуваат како харизмата да е нешто што лесно се постигнува. Но, тоа е вештина што се научи и развива како и секоја друга во животот, според стручњаците. Така, и комуникологот Хенрик Крајевски од Торонто, Канада, смета дека харизмата не е недостижна.

- Тоа и не е магија. Не е толку тешко да се покаже - или да се има харизма. Всушност, секој може да научи да биде харизматичен, без разлика на личноста или стилот. Харизма е да можеш да се поврзеш со луѓето, а луѓето да се инспирираат можејќи да се идентификуваат со тебе. Тоа е крајната техника на убедување и... Воопшто не е техника, појасни д-р Крајевски.

За таа цел, според стручните совети, треба „да се покаже и ранливост“, пишува „Бест лајф“ (Best Life).

- Да се ​​биде отворен и искрен за своите маани е многу делотворен начин да се всади доверба и допадливост кај другите... Многу докази ги поддржуваат позитивните ефекти од ранливоста. Тоа значи - Вашата ранливост го зголемува чувството на доверба, безбедност и здрав морал... Да се ​​биде лидер кој споделува страв, исцрпеност и фрустрација, заедно со радоста и гордоста, може да овозможи и другите да се чувствуваат безбедно да ги откријат своите емоции. Покрај тоа, вработените ќе ви припишат храброст, т.е. харизма - што не е широко прифатено. Значи, кога ја раскажувате таа приказна за неуспех или признавате разочарување по некое тешко тримесечје, создавате нешто реално и различно за вработените, вели д-р Крајевски.

Вистинската искреност и автентичност ќе ги натера луѓето „да гравитираат“ кон вас. Д-р Роналд Риџо, професор по Организациска психологија на Колеџот „Клермонт Меккена“ во САД. 

- Харизмата е збир на вештини. Земете го Мајкл Џордан како пример... Може(ше) да игра на кошаркарскиот терен и да промашува шутеви, но ако некој го предизвика на натпревар, тој „ќе ги оддува“ сите. Тоа не значи оти тој глуми дека не игра. Харизматичната личност е навистина сакана и занимлива емотивна компонента, којашто е многу тешко да се лажира, вели проф. Риџо.

И д-р Вебер Коучинг се согласува дека со покажување на своите недостатоци, им дозволувате на луѓето да се зближат и поврзат со вас.

- Харизматичните луѓе не се плашат да се отворат. Тие не бараат одобрување од другите и немаат за цел да изгледаат совршено, истакна д-р Коучинг.

Всушност, и искуството и истражувањата покажуваат дека за луѓето, попривлечни се оние поединци кои имаат недостатоци, отколку оние што глумат „совршенство“ во животот, се потцртува во написот.  си/

Фото: МИА архива