Иран претстави нова моќна балистичка ракета „Калибр“ со досег од 2.000 километри и боева глава тешка 1,5 тон
- Британските медиуми јавуваат дека со ова Иран ја прошири својата ракетна програма, особено балистичките ракети, и покрај противењето на САД и загриженоста од европските земји. Техеран нагласу
![Иран претстави нова моќна балистичка ракета „Калибр“ со досег од 2.000 километри и боева глава тешка 1,5 тон](https://mia.mk/index.php/images/20230525090005_big_730x400_28.webp )
Техеран, 25 мај 2023 (МИА) - Иран ја претстави четвртата генерација балистичка ракета „Калибр“, со досег од 2.000 километри и со боева глава тешка 1.500 килограми, јави денеска иранската агенција ИРНА.
Британските медиуми јавуваат дека со ова Иран ја прошири својата ракетна програма, особено балистичките ракети, и покрај противењето на САД и загриженоста од европските земји.
Техеран нагласува дека оваа програма е „исклучиво одбранбена“ и служи за одвраќање на непријателот.
„Најновата балистичка програма на Иран и најновиот производ на иранската организација за воздушна индустрија беше претставена денеска на церемонија на која присуствуваше и министерот за одбрана“, пренесе ИРНА. сд/