Тел Авив, 12 август 2020 (МИА) - Израел денеска соопшти дека прекинал кибер напад насочен кон одбранбената индустрија, извршен од хакерската група Лазарус. Израелското Министерство за одбрана соопшти дека хакерите направиле лажни профили на социјалната мрежа Линкедин и оти се претставувале како извршни директори и високи претставници на меѓународни компании. Според соопштението на израелското Министерство за одбрана хакерската група Лазарус е „поддржана од странска држава“. Додека, за САД групата е поврзана со Северна Кореја. Израел и Иран со години меѓусебно се хакираат. Најпознат случај е кога американските и израелските разузнавачки агенција беа осомничени дека го пуштија вирусот Стукнет кој ја наруши иранската нуклеарна програма. ми/