Тел Авив, 4 ноември 2024 (МИА) - Израелската војска приведе ирански шпион за време на операцијата на специјалните сили во Сирија што се одржа во последните месеци, се вели во соопштението на израелските одбранбени сили (ИДФ).

Армијата уапсила сириски државјанин во областа Саид во северна Сирија и го донела во Израел на сослушување, објави ИДФ.

Тој беше опишан како „оперативец на иранската терористичка мрежа“. Мажот беше обвинет дека собирал разузнавачки информации за израелската армија во пограничната област „за идните терористички активности на мрежата“. Неговото апсење наводно го спречило нападот.

Дополнително, откриена е операција на иранските терористички мрежи во близина на Голанската висорамнина.

Голанската висорамнина е стратешки важна планинска висорамнина која се протега на 60 километри во должина и 25 километри во ширина. Платото беше окупирано од Израел во Шестдневната војна во 1967 година, а анектирана во 1981 година.

Голанската висорамнина не е меѓународно признаена и според меѓународното право се смета за сириска територија под израелска окупација. мс/

фото: МИА архива