Изов: Франција е апсолутен фаворит, ние ќе се обидеме достојно да се спротивставиме
- Селекторот на македонската женска фудбалска репрезентација, Кирил Изов се соочува со доста проблеми во пресрет на натпреварот со Франција.
![Изов: Франција е апсолутен фаворит, ние ќе се обидеме достојно да се спротивставиме](https://mia.mk/index.php/images/20221104200631_big_730x400_98.webp )
Скопје, 16 септември 2020 (МИА) – Селекторот на македонската женска фудбалска репрезентација, Кирил Изов се соочува со доста проблеми во пресрет на натпреварот со Франција.
- Имаме навистина големи проблеми со играчкиот кадар за овој натпревар. Покрај отсуството на Наташа Андонова и Гентјана Рочи, не можеме да сметаме ниту на Романа Трајковска и Маја Ангеловска. Поради здравствената ситуација предизвикана од Ковид-19, двете не можат да допатуваат од Швајцарија и Словенија. Маријана Нацева има скршеница на рамото и исто така е надвор од составот. Франција е апсолутен фаворит. Ние ќе се обидеме достојно да се спротивставиме и покрај отсуството на неколку важни фудбалерки за нас, изјави селекторот на македонската женска репрезентација, Кирил Изов.