Изложба на графики и инсталација од Ана Трајковска и Ивана Самандова во КИЦ
- Во Културно-информативниот центар – Скопје вечер од 20 часот ќе биде отворена изложбата на графики и инсталација од Ана Трајковска и Ивана Самандова насловена „FLUX Surfacing“.
![Изложба на графики и инсталација од Ана Трајковска и Ивана Самандова во КИЦ](https://mia.mk/index.php/images/20230919195657_big_730x400_58.webp )
Скопје, 20 септември 2023 (МИА) - Во Културно-информативниот центар – Скопје вечер од 20 часот ќе биде отворена изложбата на графики и инсталација од Ана Трајковска и Ивана Самандова насловена „FLUX Surfacing“.
Како што информираат од КИЦ, проектот „FLUX: Surfacing“ е продолжение на интерактивната изложба „FLUX“ организирана од страна на Ивана Ќ. Самандова и Ана Трајковска која што се оддржа во ноември во отворено графичко студио, 2022 година.
Aна Трајковска е дипломиран графичар, отсек графика со модул конзервација и реставарција. Таа е главно насочена кон графиката како медиум. Експериментирајќи се обидува да пронајде нов начин на визуелно комуницирање применувајќи ја оваа техника, и интегрирајќи со други медиуми и визуелни форми, трагајќи по начини да ја оддалечи од нејзиното традиционално восприемање.
Ивана Ќ. Самандова дипломира на отсек сликарство, модул конзервација и реставрација. Нејзината уметничка практика се фокусира на процесите на набљудување и истражување на социо-политички проблематики, структури, однесување и интерконекции помеѓу специфични ситуации на една заедница или индивидуа.
Изложбата ќе биде отворена до 02.10.2023 година, а настанот е финансиран од Град Скопје и е дел од проектот „Скопје кандидат за Европска престолнина на културата 2028“. ар/лв/
ФОТО/КИЦ