Скопје, 12 февруари 2024

Oваа сабота на отворениот ден во ЈП Лајка нѐ посетија извидниците од First Scout Unit of Skopje за да се запознаат со нашата  работа и кучињата за кои во моментов се грижиме во нашето прифатилиште.

First Scout Unit of Skopje традиционално Светскиот ден на извидниците 22 Февруари, го одбележуваат со хуманитарна акција и годинава одлучија таа да ја посветат на кученцата од ЈП Лајка. Извидниците по повод овој настан донираа играчки, реквизити и храна. Нашите драги гости имаа прилика да се запознаат со работата на претпријатието и со нашите кученца, со кои поминаа неколкучасовна дружба во игра. Им благодариме за посетата и за подароците и ги очекуваме повторно!

Преку отворените денови ЈП Лајка сака да им даде поголема можност на граѓаните за посета, со цел да одберат миленик и да вдомат наместо да купат. Затоа што најдобрата раса на куче е - спасено куче! Преку ваквите настани ЈП Лајка врши поттик на граѓаните да придонесат во градење на јавната свест за поемпатично и поодговорно општество и хуман однос спрема бездомните кучиња. 

Фото: ЈП Лајка

ЈП Лајка

—————————————————————————————————————————

МИА овие текстови ги објавува во интегрална и оригинална форма и не е одговорна за нивната содржина, ниту за евентуалните правописни недоследности или печатни грешки.