Тел Авив, 19 ноември 2023 (МИА) - Според израелските воени податоци, од почетокот на копнената операција во Појасот Газа,  убиени се 59 израелските војници, јави ДПА.

-Вкупно 380 израелски војници се убиени во бруталните убиствени напади на терористите од Хамас и другите групи, што беа изведени на 7 октомври во јужната погранична област, изјави денеска портпаролот на израелските одбранбени сили, пренесе германската агенција. 

Бројката ги вклучува и војниците кои загинале на границата со Либан, каде што од почетокот на војната имаше повеќе судири, предизвикувајќи стравувања дека конфликтот може да се прошири.

Како споредба, во 50-дневната војна во 2014 година во Газа, на израелска страна загинаа 66 војници и пет цивили. ОН наведуваат дека во тогашниот конфликт загинаа и 2.251 Палестинец, потсетува ДПА. сд/

фото:МИА архива