Скопје, 24 август 2022 (МИА) - Земјотрес со локална магнитуда од 2,9 степени по Рихтер е регистриран утрово во 7 часот и 34 минути на 115 километри источно од Скопје, кој потекнува од епицентралното подрачје Пехчево, соопшти Сеизмолошката опсерваторија при Природно-математичкиот факултет. Според податоците на Опсерваторијата, интензитетот на земјотресот  е III степени според Европската макросеизмичка скала. Земјотресот бил почувствуван од населението во Пехчево, Берово и околината. хс/са/