Зеленски: Најверојатно цел на руските дронови била нуклеарната централа Хмелницки
- Украинскиот претседател Володимир Зеленски изјави дека во нападот на руските беспилотни летала денеска во областа Хмелницки, најверојатно цел била областа на истоимената нуклеарна централа.
![Зеленски: Најверојатно цел на руските дронови била нуклеарната централа Хмелницки](https://mia.mk/index.php/images/20231026081952_big_730x400_65.webp )
Киев, 26 октомври 2023 (МИА) - Украинскиот претседател Володимир Зеленски изјави дека во нападот на руските беспилотни летала денеска во областа Хмелницки, најверојатно цел била областа на истоимената нуклеарна централа.
„Најверојатно цел на овие напади е нуклеарната централа Хмелницки. Ударниот бран од експлозијата ги потресе прозорците, вклучително и просториите на нуклеарната централа“, рече Зеленски.
Според него, секој руски напад, особено оној што се осмелува да ги таргетира нуклеарната централа и другите клучни објекти, е доказ дека притисокот врз Русија е недоволен.
Силните експлозии во близина на местото на нуклеарната централа „Хмелницки“ ги оштетија прозорците, но не влијаеја на работата на централата или нејзиното снабдување со електрична енергија. паг/
Фото: ЕПА