Кавадарци, 13 декември 2024 (МИА) - Здружението ,,Вредни росомански раце" од Росоман,  денеска донираше храна за лица со попреченост во Кавадарци. Претседателката на Здружението, Весна Јаневска појасни дека идејата била годината исполнета со многубројни активности, да се заврши со хуманитарен настан и да се упати пораката дека сите луѓе на светот се еднакви и дека различностите треба да се почитуваат.  

- Членките на нашето здружение произведуваат и преработуваат храна од Тиквешкото поднебје, ние ја промовираме и презентираме традицијата на регионот, појасни таа. 

Во акцијата се приклучиле членки од Росоман и росоманското село Сирково, помлади лица и ученици со наставничка. Учениците од менторство на наставничката испишале пораки со содржина за рамноправност и недискриминација. 

- Светот е поубав кога сите сме различни, е само една од пораките. свд/сст/

Фото : ,,Вредни росомански раце"