Париз, 3 ноември 2024 (МИА) – Германецот Александар Зверев е победник на АТП тенискиот Мастерс турнир во Париз со награден фонд од 5,9 милиони евра, совладувајќи го денеска во финалето го Французинот Хуго Хумберт со 6-2, 6-2, по час и 16 минути игра.

Дваесет и седумгодишниот Зверев со оваа победа ја освои својата 23. титула и втора сезонава по триумфот во Рим.

Хумберт е првиот француски финалист во Париз по 2011 година, кога Жо-Вилфред Цонга беше поразен од легендарниот Швајцарец Роџер Федерер во мечот за титулата.

Зверев, по саботната победа над Данецот Холгер Руне, од идната недела ќе се искачи на второто место на АТП рангирањето веднаш зад Италијанецот Јаник Синер. ег

ФОТО: Икс