За прв пат во историјата Јувентус не загуби натпревар од Серија А, во кој заостануваше со три гола
- увентус синоќа ремизираше на гостувањето кај Болоња во натпреварот од 37. коло во Серија А - 3:3.
![За прв пат во историјата Јувентус не загуби натпревар од Серија А, во кој заостануваше со три гола](https://mia.mk/index.php/images/20240521072511_big_730x400_76.webp )
Болоња, 21 мај 2024 (МИА) - Јувентус синоќа ремизираше на гостувањето кај Болоња во натпреварот од 37. коло во Серија А - 3:3.
Торинскиот тим заостануваше со 0:3 до 76. минута, кога погоди Федерико Киеза. Аркадиуш Милик погоди во 83. минута, а минута подоцна голот на Кенан Јилдиз му донесе реми на клубот.
Така Јувентус за прв пат во својата историја не загуби во натпревар од Серија А во кој заостануваше најмалку три гола разлика.
Јувентус со 68 бода останува на четвртото место во серијата, зад третопласираната Болоња која има исто така 68 бода, но со подобра гол-разлика.
До крајот на сезоната останува уште едно коло. зс/
Фото: ЕПА