Законот за безбедност за Хонгконг не предвидува ретроактивни казни
- Новиот закон за национална безбедност за Хонгконг не предвидува луѓето да се казнуваат ретроактивно, изјави денеска Денг Џонгуа, заменик директор на Канцеларијата за Хонгконг и Макао.
![Законот за безбедност за Хонгконг не предвидува ретроактивни казни](https://mia.mk/index.php/images/20221104010108_big_730x400_78.webp )
Пекинг, 15 јуни 2020 (МИА) - Новиот закон за национална безбедност за Хонгконг не предвидува луѓето да се казнуваат ретроактивно, изјави денеска Денг Џонгуа, заменик директор на Канцеларијата за Хонгконг и Макао.
Тој истакна дека Пекинг мора да има можност да има јурисдикција врз најсериозните случаи во областа на националната безбедност.
Денг нагласи дека законот ќе биде согласно законите и правосудниот систем во Хонгконг.
Законот за безбедност, со кој како кривично дело се третираат сецесијата, субверзијата, тероризмот и странското мешање во Хонгконг, го осудија западните земји, како што се Велика Британија, САД и Австралија. гт/