Заев со честитка до Бајден и Харис: Верувам дека ќе го продлабочиме сојузништвото
- Премиерот Зоран Заев им го честита стапувањето на должност на претседателот на САД, Џо Бајден и на потпретседателката, Камала Харис.
![Заев со честитка до Бајден и Харис: Верувам дека ќе го продлабочиме сојузништвото](https://mia.mk/index.php/images/20221105185539_big_730x400_33.webp )
Скопје, 20 јануари 2021 (МИА) - Премиерот Зоран Заев им го честита стапувањето на должност на претседателот на САД, Џо Бајден и на потпретседателката, Камала Харис.
Им посакува мандат исполнет со успешни политики кои обединуваат и мандат, како што вели во објава на Фејсбук, во кој е сигурен дека американската демократија ќе биде глобален пример што инспирира.
- Претседателе Бајден, се радувам на времето пред нас во кое верувам дека ќе го продлабочиме сојузништвото меѓу Северна Македонија и САД, како и блиските врски и пријателството меѓу нашите граѓани, напиша Заев на ФБ. мс/лв/