Завршува фестивалот „Преспаленд 2021“
- Со низа настани денеска ќе се одбележи крајот на првото издание на мултимедијалниот фестивал „Преспаленд“.
![Завршува фестивалот „Преспаленд 2021“](https://mia.mk/index.php/images/20221108163516_big_730x400_9.webp )
Скопје, 17 септември 2021 (МИА) - Со низа настани денеска ќе се одбележи крајот на првото издание на мултимедијалниот фестивал „Преспаленд“.
Како што најавуваат организаторите, во 10 часот, во чест на народниот борец и поет Димитар Мите Богоевски, во истоименото училиште во Ресен ќе биде отворен мурал посветен на неговиот лик и дело.
Попладне во 17 часот во Домот на културата во Ресен ќе биде отворена ликовната изложба „Преспа во срцето“- Кирил Јоновски најголемиот познавачач и хроничар на Преспа. Подоцна, на амфитеатарот во Ресен ќе настапи Toka Shitet.
Зад ова уметничко име е Идриз Амети, фронтменот на групата „Бла Бла Бла“. Како соло уметник свири на традиционалниот балкански инструмент шаркија. По него, концерт ќе имаат Игор Џамбазов и Гуру Харе.
Фестивалот ќе биде одржан според актуелните здравствени протоколи за одржување на настани на отворено.бт/лв/
![](/articles/images/%d0%b7%d0%b0%d0%b2%d1%80%d1%88%d1%83%d0%b2%d0%b0-%d1%84%d0%b5%d1%81%d1/LSSM8ZGfK/placeholder.webp?use_watermark=0)