Заврши 34. издание на „Поетската ноќ во Велестово“
- Три фестивалски денови на кои се одржаа повеќе поетски читања на автори од земјава и странство го одбележаа овогодинешното 34. издание на „Поетската ноќ во Велестово“.
![Заврши 34. издание на „Поетската ноќ во Велестово“](https://mia.mk/index.php/images/20221113203658_big_730x400_10.webp )
Скопје, 23 јули 2022 (МИА) – Три фестивалски денови на кои се одржаа повеќе поетски читања на автори од земјава и странство го одбележаа годинашното 34. издание на „Поетската ноќ во Велестово“.
Манифестацијата, што се одржа викендов, започна со поетски портрет на Лидија Димковска и изложба на Никола Пијанманов. Музички настап имаше Горан Папаз, а беседа за творештвото на Димковска одржа Сашо Огненовски.
![lidija](/articles/images/%d0%b7%d0%b0%d0%b2%d1%80%d1%88%d0%b8-34-%d0%b8%d0%b7%d0%b4%d0%b0%d0%bd/Kvmz6vqtz/placeholder.webp?use_watermark=0)
На фестивалот се одржаа повеќе поетски читања на кои учествува и поетите Ким Симонсен (Фарски Острови), Алеш Мустар (Словенија), Мањола Наси (Албанија), Селахатин Јолгиден (Турција), Валентина Бакти (Србија), како и македонските поети Диме Данов, Ана Голејшка Џикова, Зоран Јакимоски и Јулијана Величковска.
![shilla1](/articles/images/%d0%b7%d0%b0%d0%b2%d1%80%d1%88%d0%b8-34-%d0%b8%d0%b7%d0%b4%d0%b0%d0%bd/4qzJy2Hcu/placeholder.webp?use_watermark=0)
Во рамки на фестивалот се одржа и работилница за креативно пишување и иновативно интерпретирање поезија со учество на млади од Охрид и регионот, како и ученици од охридската гимназија „Св. Климент Охридски“, во рамки на проектот „OH READ ‒ Поетски викенд и работилница за млади од регионот“ поддржан од програмата на РЕАД (Регионална Мрежа за Културна Разновидност) и Европската Унија.