Жители на Лозово може да конкурираат за сместување американски волонтер
- Десет семејства-домаќини од Лозово, во период од 28.09.2024 до 06.12.2024, во своите домови ќе сместат волонтери од Америка кои ќе посетуваат обуки, а потоа ќе заминат во градовите и селата низ државата кадешто ќе живеат и работат во наредните две години.
![Жители на Лозово може да конкурираат за сместување американски волонтер](https://mia.mk/index.php/images/20240527150800_big_730x400_84.webp )
Велес, 27 мај 2024 (МИА) - Десет семејства-домаќини од Лозово, во период од 28.09.2024 до 06.12.2024, во своите домови ќе сместат волонтери од Америка кои ќе посетуваат обуки, а потоа ќе заминат во градовите и селата низ државата кадешто ќе живеат и работат во наредните две години.
Градоначалникот на Општина Лозово, Бошко Цветковски ги известува сите заинтересирани граѓани дека пријавувањата и аплицирањата за вдомување на волонтери од Америка е во тек. Сите заинтересирани граѓани за подетални информации може да се обратат во просториите на Општина Лозово или на телефонските броеви 077/749-897 и 032/458-458.|
-Во период од 11 недели волонтерите од Америка ќе бидат сместени во 10 семејства во нашата општина. Домаќините треба да им овозможат сместување - посебна соба која ќе ја користи само волонтерот. Потоа, храна, односно од семејството се очекува секој ден да обезбеди појадок, ручек и вечера за волонтерот и оброците треба да бидат она што вообичаено се подготвува за цело семејство. Секако хигиената поточно домаќинот еднаш неделно треба да обезбеди чиста постелнина и пешкир за волонтерот додека тој сам е одговорен за својата лична хигиена и перење на своите алишта, пишува во соопштението на градоначалникот Цветковски. ад/дма/
Фото: МИА