Жиру: Евро 2024 може да биде мој последен меѓународен турнир
- Напаѓачот на Милан и на француската репрезентација Оливие Жиру не исклучи дека Евро 2024 ќе биде неговиот последен меѓународен турнир.
![Жиру: Евро 2024 може да биде мој последен меѓународен турнир](https://mia.mk/index.php/images/20240331181211_big_730x400_4.webp )
Милано, 31 март 2024 (МИА) - Напаѓачот на Милан и на француската репрезентација Оливие Жиру не исклучи дека Евро 2024 ќе биде неговиот последен меѓународен турнир.
Ова може да биде мојот последен меѓународен турнир. Сè уште ништо не е решено. Како што кажав, поблиску сум до крајот отколку до почетокот. Треба да го искористиме максимумот од секој момент, изјави Жиру за „Telefoot“.
Триесет и седумгодишниот Жиру има 131 настап за Франција и постигна 57 гола. Тој е најдобар стрелец во историјата на националниот тим.
Француската репрезентација на ЕП 2024 ќе игра во групата Д со Холандија, Полска и Австрија.
Претходно беше објавено дека Жиру по завршувањето на сезоната планира да се пресели во тим од американската МЛС.
Според инсајдерот Фабрицио Романо, тој се договорил со Лос Анџелес. зс/
Фото: ЕПА